Abakinnyi ba Rayon Sports baratangaza ko biteguye neza umukino bagomba guhura na Mamelodi Sundowns ndetse ko badatewe ubwoba n’ibigwi by’iyi kipe yatwaye igikombe cya CAF Champions League.
Rayon Sports ifite akazi katoroshye ko gutsinda Mamelodi Sundowns
Mu Kiganiro abakinnyi ba Rayon Sports barimo Muhire Kevin,Bakame na Niyonzima Olivier Seif bagiranye na Radio 10 ku munsi w’ejo,bayitangarije ko biteguye uyu mukino kandi biteguye kuwitwaramo neza.
Bakame yagize ati “Uko tumaze iminsi twitwara biraduha icyizere cyo kwitwara neza muri uyu mukino.umutoza Ivan Minnaert hari uburyo bwo gukina ari kutwigisha kandi twizeye ko buzadufasha gutsinda uyu mukino.
Bakame yizeye ko we na bagenzi be bazahangamura Sundowns
Seif yatangaje ko bafite icyizere cyo kwitwara neza muri uyu mukino ndetse kuba bagiye guhura n’imwe mu makipe akomeye muri Afurika bigomba kubaha imbaraga zo kwigaragaza ndetse no gutsinda uyu mukino.
Muhire Kevin we yemeje ko umutoza Minnaert yabafashije kwitegura neza uyu mukino ndetse bafite icyizere cyo guhangana na Mamelodi Sundowns kuri uyu wa Gatatu.
Icyizere ni cyose kuri Muhire Kevin
Ikipe ya Rayon sports izakina uyu mukino idafite abakinnyi nka manzi Thierry ufite amakarita 2 y’umuhondo ndetse na Manishimwe Djabel wavunitse.
Seif yizeye ko bazitwara neza kuri uyu wa Gatatu
Uyu mukino utaganyijwe kuba kuri uyu wa Gatatu saa kumi n’ebyiri z’umugoroba ,ukazabera kuri stade Amahoro I Remera.