Charly na Nina batangaje ko batazitabira irushanwa rya PGGSS Season 8
Itsinda ry’ abahanzikazi 2 Charly na Nina batangaje ko batazitabira irushanwa rya Primus Guma Guma Super Star rizaba ku nshuro yaryo ya 8.
Babinyujije mu kiganiro gica kuri Flash Fm kitwa Flash Network ubwo babazwaga ibibazo bitandukanye bijanye n’ umuziki wabo. Charly na Nina beruye kumugaragaro ko batazitabira irushanwa ngaruka mwaka rya Primus Guma Guma Super Star rizaba ku nshuro yaryo ya 8 kubera gahunda nyinshi bafite.
Bagize ati “ Turashimira abanyamakuru , aba Djz , ndetse n’ abandi bari kuzadutora tubamenyesha ko uyu mwaka tutazitabiri irushanwa rya PGGSS Season 8 “
Babajijwe impamvu nyamukuru ituma batazitabira irushanwa batangaje ko bazaba bafite akazi kenshi muri uyu mwaka .
Bagize ati “ impamvu tutazitabira PGGSS Sean 8 nuko uyu mwaka tuzaba dufite akazi kenshi tuzaba duhugiyemo mu rwego rwo kwagura umuziki wacu ndetse n’ ibindi bikorwa bitandukanye."
Twakwibutsa ko n’ umwaka ushize basezeye iri rushanwa bavuga ko bafite gahunda nyinshi uyu mwaka .