Ethiopia: Impanuka yahitanye abanyeshuri 38
Leta ya Ethiopia yatangaje ko impanuka ikomeye ya bisi yahitanye abanyeshuri 38 mu majyaruguru y’ Ahitwa Amhara.
Iyi mpanuka ngo yatewe n’ imihanda itari imeze neza. Iyi mpanuka yakomerekeyemo abantu 10.
Ethiopia irimo kuvugurura imihanda yayo ariko ubushobozi buke bw’ abashoferi n’ imodoka zitujuje ubuzira neza ni bimwe mu bitera impanuka zahitanye abagera ku bihumbi 16 kuva muri 2014 kugera muri 2017.
Impanuka yahitanye abiganjemo abanyeshuri bo kuri Higher Learning Institutions nk’ uko Leta y’iki gihugu ibitangaza.
Iyi mpanuka yahitanye abagabo 28 n’abagore 10 ndetse abandi 10 barakomereka nkuko the fana Broadcast yabitangaje.
Ethiopia ni imwe mu bihugu bikomeje kugaragaza kuzamuka k’ubukungu ndetse hakaba harangwa n’amavugurura y’imihanda ariyo mpamvu usanga abaturage benshi bakunda gukora ingendo za kure bakoresheje amabisi.