Ivan Minnaert yatangaje amagambo yatumye benshi bamwita umunyarwenya kabuhariwe
Umutoza w’ikipe ya Rayon Sports yatangaje ko ikipe ya Rayon Sports izakina na Mamelodi Sundowns mu mukino wo kwishyura nkuko yakinnye mu mukino ubanza ndetse ko Mamelodi Sundowns bizayisaba ko ibatsinda ibitego 3 kugira ngo ibasezerere.
Ivan Minnaert yizeye ba rutahizamu be
Uyu mutoza w’Umubiligi utaripfana, yabwiye abanyamakuru ku munsi w’ejo ko ikipe ya Mamelodi Sundowns igomba gutsinda ibitego 3 niba ishaka gusezerera Rayon Sports ndetse bazayiha akazi gakomeye muri uyu mukino.
Yagize ati “Twanganyije umukino ubanza dukomeza kwitegura umukino wo kwishyura. Uyu munsi guhera saa tanu nari ndi kumwe n’abakinnyi tureba amashusho y’umukino ubanza tunungurana ibitekerezo. Ndibaza ko buri wese azi agaciro ko gutsinda uriya mukino. Tuzakina dusatira tunarinda izamu ryacu nk’uko twakinnye umukino ubanza.Mamelodi Sundowns bizayisaba ibitego 3 kugira ngo idusezerere.”
Rayon Sports ifite akazi katoroshye imbere ya Mamelodi Sundowns
Ivan Jacky Minnaert yizeye ko ikipe ya Rayon Sports izabona ibitego muri Afurika y’Epfo nkuko na rutahizamu we Tchabalala yabitangarije abanamakuru.
Umukino wo kwishyura uzahuza Mamelodi Sundowns na Rayon Sports uzabera kuri HM Pitje Stadium iherereye mu mugi wa Pretoria muri Africa y’Epfo ku Cyumweru saa 19h00.
Abakinnyi 18 Rayon Sports izajyana muri Africa y’Epfo:
Abazamu: Ndayishimiye Eric Bakame na Ndayisenga Kassim
Ba myugariro: Manzi Thierry, Usengimana Faustin, Mugabo Gabriel, Rutanga Eric, Mutsinzi Ange, Irambona Eric na Nyandwi Sadam.
Abakina hagati: Kwizera Pierrot, Niyonzima Olivier Sefu, Mukunzi Yannick, Mugisha Francois na Muhire Kevin.
Ba rutahizamu: Ismaila Diarra, Shabani Hussein Tchabalala, Bimeyimana Bonfils Caleb na Christ Mbondi.