Uko amakipe azahura mu mikino ya ¼ cya Europa League byamenyekanye
Ikipe ya Arsenal izerekeza mu Burusiya guhura na CSKA Moscow mu mikino ya ¼ cya UEFA Europa League mu gihe Atletico Madrid ihabwa amahirwe yo kwegukana iki gikombe yatomboye Sporting CP yo muri Portugal.
Nyuma yo gusezerera ikipe ya AC Milan mu mukino ubanza n’uwo kwishyura iyitsinze ibitego 5-1,Arsenal yatomboye CSKA Moscow yo mu Burusiya mu mikino ya ¼ aho izabanza iyakira ku kibuga Emirates ku Taliki ya 05 Mata 2018 mu gihe umukino wo kwishyura uzaba taliki ya 12 Mata 2018.
CSKA Moscow yakuyemo ikipe ya Lyon kuri uyu wa Kane iyitsindiye iwayo ibitego 3-2 mu gihe umukino ubanza warangiye Lyon itsindiye mu Burusiya igitego 1-0.
Uko Tombola ya 1/4 yagenze:
RB Leipzig vs Olympique Marseille
Arsenal vs CSKA Moscow
Atletico Madrid vs Sporting Lisbon
Lazio vs Red Bull Salzburg.
Atletico igomba kwisobanura na Sporting CP
Imikino ibanza yose izaba Taliki ya 05 Mata 2018 mu gihe iyo kwishyura izaba Taliki ya 12 Mata 2018 aho umukino wa nyuma uzabera ku kibuga cya Lyon mu Bufaransa.