Muhadjiri ntari mu bakinnyi bari kwitegura Espoir FC
Umukinnyi Hakizimana Muhadjiri ntari mu bakinnyi ba APR FC barakora imyitozo ya nyuma uyu munsi 15H30 kuri sitade ya Kigali i Nyamirambo yo kwitegura ikipe ya Espoir Fc mu mukino wa shampiyona utarabereye igihe uteganyijwe kuri uyu wa Gatatu.
Uyu musore umaze iminsi ahagaze neza afite ikibazo cy’umugongo yahuye nacyo nyuma y’umukino APR FC yatsinzemo Djoliba AC ibitego 2-1 ku wa Gatandatu w’icyumweru gishize.
Ikipe ya APR FC igiye guhura n’akazi kenshi cyane ko igiye gukina imikino 3 y’ibirarane yikurirkiranya itakinnye kubera gutegura imikino ya CAF Confederations Cup yasezerewemo na Djoliba AC.
Uko imikino ya APR FC iteganyijwe:
Kuwa Gatatu tariki 21 Werurwe 2018
APR FC vs Espoir FC (Stade ya Kigali, 15h30’)
Ku Cyumweru tariki 25 Werurwe 2018
Etincelles FC vs APR FC (Stade Umuganda, 15h30’)
Kuwa Gatatu tariki 28 Werurwe 2018
Gicumbi FC vs APR FC (Gicumbi, 15h30’)