Imyitwarire ya Sanchez iteye inkeke abatoza ba Manchester United
Abatoza b’ikipe ya Manchester United butewe ubwoba n’imyitwarire ya Alexis Sanchez ukomeje kwigunga muri iyi kipe ndetse nta bushake bwo kugirana ubushuti n’abandi afite.
Uyu munya Chile w’imyaka 29,akomeje gutangaza abatoza bikipe ya Manchester United kuko kuva yayigeramo avuye muri Arsenal atigeze agaragaza ibyishimo ndetse inshuro nyinshi aba yicaye wenyine n’igihe bagiye gufata amafunguro.
Uyu musore umaze gutsinda igitego mu mikino 10,yatangiye gutera inkeke aba batoza ndetse bamwe batangiye kuvuga ko ashobora guhombera iyi kipe nkuko byagendekeye Angel Di Maria waguzwe yizewe yarangiza akabahombera.
Alexis Sanchez niwe mukinnyi uhembwa amafaranga menshi muri Manchester United ndetse no muri Premier League kuko ahembwa ibihumbi 600 by’amapawundi ku Cyumweru ubariyemo n’imisoro.
Bamwe mu bayobozi b’iyi kipe batangaza ko impamvu uyu musore atishimye ari uko yabuze amahirwe yo kwerekeza mu ikipe ya Manchester City bityo akaba yarahisemo kuza muri United by’amaburakindi.