Bakame yasabye bagenzi be kwima amatwi amagambo y’abafana
Uyu kapiteni w’inararibonye yabwiye abanyamakuru ko amaze iminsi aburira bagenzi be ko bakwiye kureka abafana bakavuga ibyo bashaka ndetse bagomba kwitanga bikomeye mu mukino wo kwishyura kuko ibitego 3-0 batsinze Costa do Sol ari bike ndetse barebye nabi yabwishyura.
Muhire Kevin yatsinze igitego muri 3-0 Rayon yatsinze Costa do Sol mu mukino ubanza
Yagize ati “Nasabye abakinnyi bagenzi banjye kwima amatwi abababwira ko dufite amahirwe menshi yo kwerekeza mu matsinda ya CAF Confederations Cup uyu mwaka.Ibyo twabonye muri UEFA Champions League byatweretse ko nta bitego bitakwishyurwa ndetse biroroshye ko ikipe watsinze 3-0 yaza ikakwishyura.Tugomba gukina umukino wo kwishyura tumeze nkuko twari turi mu mukino ubanza.”
Tchabalala afashije Rayon Sports kugera mu matsinda
Ikipe ya Rayon Sports igomba kwerekeza I Maputo mu mukino wo kwishyura wa CAF Confederations Cup uzaba ku wa Gatatu w’icyumweru gitaha, aho igombwa kwirinda kwinjizwa ibitego 4-0 muri uyu mukino uzayoborwa n’Abarundi Thierry Nkurunziza, Shabani Niyungeko na Ramadhan Nijimbere.
Uzabasha gukomeza mu mukino wo kwishyura hagati y’aya makipe yombi azahita agera mu matsinda ya CAF Confederations Cup.