Migi yagiriye inama Rayon Sports yayifasha gutsinda Gor Mahia
Uyu musore wagarutse muri APR FC avuye muri Gor Mahia yari amazemo umwaka umwe,yabwiye abanyamakuru ko mu gihe yamaze muri Gor Mahia,azi neza ko ingufu zayo ziba mu busatirizi burangajwe imbere na Tuyisenge Jacques,George Odhiambo bakunze kwita Blackberry na Meddie Kagere.
Migi yagiriye inama Rayon Sports yo kwitondera ubusatirizi bwa Gor Mahia
Yagize ati “Gor Mahia n’ikipe nziza ariko yari imaze iminsi mu bibazo kubera umuterankunga wayo Sportpesa yari yahagaritse inkunga.Rayon Sports niba yariteguye neza izayitsinda ariko nibarangara bazatsindwa kuko n’ikipe ifite ubusatirizi bukomeye.Jacques Tuyisenge amaze iminsi atsinda ibitego,ndetse niwe wasezereye Supersport,wakongeraho ukuntu Rayon Sports imaze iminsi yinjizwa ibitego byinshi,navuga ko bagomba kwitondera ubusatirizi bwa Gor Mahia kuko burakomeye.
Rayon Sports yagaruye abakinnyi bayo 2 bakomeye barimo Kiwzera Pierrot na Bimenyimana Bonfils bari basibye umukino wo kwishyura na Costa do Sol yo muri Mozambike,kubera ikibazo cy’amakarita babonye.
Rayon Sports igomba gukina na Gor Mahia umukino wa mbere wo mu itsinda D rya CAF Confederations Cup ku munsi w’ejo saa 18h00, cyane ko iyi kipe yo muri Kenya iragera mu Rwanda uyu munsi.
Comments
Rayon 6 May 2018
Reka nta nama ze dukeneye yavuze ko atakina muri Rayon ubwo c aravuga iki?