Arsenal izakira Manchester City ku mukino w’umunsi wa mbere wa Premier League 2018-2019
Iyi shampiyona izatangira ku wa 11 Kanama 2018,izatangirana ingufu zikomeye kuko umutoza wa Arsenal Unai Emery wasimbuye umukambwe Arsene Wenger wari umaze imyaka 22muri iyi kipe azatangirana akazi katoroshye ko kwigaranzura Manchester City ifite igikombe cya shampiyona cy’Umwaka utaha.
Emery azahura n’akazi katoroshye mu mikino 2 ya mbere
Tottenham izasura Newcastle bwa mbere, Chelsea izasura Huddersfield,Manchester United yakire Leicester City, Liverpool izakina ku mukino wa mbere na West Ham, mu gihe Wolverhampton Wanderers izakira Everton ku kibuga Molineux.Fulham iherutse kuzamuka izakira Crystal Palace, mu gihe Cardiff izerekeza kwa Bournemouth mu mukino ufungura.
Umutoza Emery yahuye n’uruva gusenya kuko imipangire ya shampiyona itazamuha agahenge mu mikino ibanza aho izabanza yakiraikipe ifite igikombe cya shampiyona Manchester City,ihite ijya gusura Chelsea mu mukino ukurikira.
Tottenham izakinira umukino wayo wa mbere kuri stade nshya yayo yakira Liverpool ku wa 15 Nzeri uyu mwaka.
Imikino ya mbere ya Premier League yo ku wa 11-12 Kanama 2018
Arsenal vs Manchester City
Bournemouth vs Cardiff
Fulham vs Crystal Palace
Huddersfield vs Chelsea
Liverpool vs West Ham
Manchester United vs Leicester
Newcastle vs Tottenham
Southampton vs Burnley
Watford vs Brighton
Wolves vs Everton