Rayon sports iherewe isomo rya ruhago I Rusizi, APR FC na AS Kigali zatsinze imikino zari zatezwe
Mu mukino wabereye I Rusizi,ikipe ya Rayon Sports itari ifite Kwizera Pierrot yatsinzwe ibitego 2-0 na Espoir mu mukino umukinnyi Ismaila Diarra yahushijemo penaliti ndetse utagaragayeho umutoza mushywa wa Rayon Sports Robertinho.
AS Kigali ibufashijwemo na Ngama Emmanuel,yatsinze Mukura VS iyisanze I Huye ibitego 2-0 byose byatsinzwe n’uyu rutahizamu ukomoka mu Burundi.
APR FC yongeye kwereka AS Kigali iyikurikiye ko nta gahunda ifite yo kurekura igikombe cya shampiyona,itsinda Etincelles FC ibitego 2-0 byatsinzwe na Nsabimana Aimable na Hakizimana Muhadjiri wahise unganya ibitego na Ndarusanze Jean Claude wari ufite ibitego byinshi muri shampiyona,bombi banganya ibitego 12.
APR FC ikomeje kuyobora urutonde n’amanota 60,ikurikiwe na AS Kigali ifite amanota 57,ku mwanya wa 3 hari Rayon Sports n’amanota 48 inganya na Police FC ku mwanya wa 4.
Uko imikino y’umunsi wa 28 wa shampiyona yagenze:
Espoir FC 2-0 Rayon Sports FC
Police FC 2-1 SC Kiyovu
Kirehe FC 2-0 Bugesera FC
Sunrise FC 0-3 Musanze FC
Amagaju FC1-1 Marines FC
APR FC 2-0 Etincelles FC
Gicumbi FC 2-0 Miroplast FC
Mukura VS 0-2 AS Kigali