Ismaila Diarra yongeye gutsinda ibitego bitatu mu gihe APR FC yateye intambwe ikomeye iyerekeza ku gikombe
Rayon Sports yiyunze n’abafana bayo mu mukino warebwe n’abantu bake ku Kicukiro, itsinda ibitego 4-0 Sunrise ,byatsinzwe na Ismaila Diarra watsinze 3 na Kwizera Pierrot yongeramo ikindi kuri coup franc.
Kwizera Pierrot niwe wafunguye amazamu mu gice cya mbere kuri Coup-Franc, mu gihe ibindi bitatu byatsinzwe na Ismaila Diarra mu gice cya kabiri bituma Rayon Sports iguma ku mwanya wa 3 n’amanota 51.
APR FC ibifashijwemo na Buregeya Prince ku munota wa 26 na Byiringiro Lague ku munota wa 90,nibo bafashije APR FC gutera intambwe ndende iberekeza ku gikombe cya shampiyona ibura umunsi umwe ngo urangire.
AS Kigali yatsinze Amagaju ibitego 2-1 byose byatsinzwe na Ndarusanze Jean Claude ahita asiga Muhadjiri ku rutonde rw’abamaze gutsinda ibitego byinshi dore ko yahise agira 14 mu gihe uyu Muhadjiri afite 12.
APR FC ikomeje kuyobora urutonde rwa shampiyona n’amanota 63 ikurkiwe na AS Kigali n’amanota 60 mu gihe Rayon Sports ari iya 3 n’amanota 51.
Uko imikino y’umunsi wa 29 yagenze:
Etincelles FC 2-0 Kirehe FC
AS Kigali 2-1 Amagaju FC
APR Fc 2-0 Gicumbi FC
Bugesera FC 2-0 Police FC
Miroplast FC 2-2 Espoir FC
SC Kiyovu 1-0 Mukura VS
Rayon Sports FC 4-0 Sunrise FC
Musanze FC 3-2 Marines FC