Zlatan Ibrahimovic yatunguye benshi kubera amagambo yavuze kuri Pogba
Zlatan wakinannye na Paul Pogba muri Manchester United mbere y’uko yerekeza muri Los Angeles Galaxy mu ntangiriro z’uyu mwaka,yabwiye abanyamakuru ko Pogba ataragera ku bakinnyi barenze hejuru y’inyenyeri ariko mu minsi iri imbere azaba ari ku rwego rwabo.
Zlatan yasingije Paul Pogba
Yagize ati “Ndatekereza ko mufite abakinnyi bari hejuru y’inyenyeri.Ntabwo Pogba aragera ku rwego rwabo gusa ni umukinnyi mwiza mu minsi iri imbere azaba ari ku rwego rwabo.Yatwaye ibikombe akiri muto kurusha abirirwa bamuvuga amagambo mabi.Ntitwagakwiye kunenga Pogba kuko amaze gukina amarushanwa akomeye.Yatwaye igikombe cy’isi agera ku mukino wa nyuma wa UEFA Champions League na Europa League.Yatwaye ibikombe byinshi mu Butaliyani.None murashaka ko akora iki?.”
Zlatan Ibrahimovic yanenze bikomeye bamwe mu bakinnye umupira w’amaguru banenze Paul Pogba kandi ari umukinnyi ukomeye ndetse umaze kwigaragaza ku ruhando mpuzamahanga.