Print

Abakandida 521 nibo bazatorwamo abadepite 80, abigenga babaye 4

Yanditwe na: Nsanzimana Ernest 6 August 2018 Yasuwe: 1137

Kuri uyu wa Kane NEC yatangaje mu bakandida bigenga hemejwe bane undi umwe arangirwa, mu bakandida batanzwe n’imitwe ya politiki hemewe 302, aho mu Muryango FPR-Inkotanyi, PL, PSD nta mukandida wigeze wangirwa kwiyamamaza.

Mu ishyaka riharanira Demokarasi no kurengera ibidukikije (DGPR), abakandida 34 ryatanze, babiri ntibemerewe kwiyamamaza. PS-Imberakuri yatanze abakandida 45, icyenda ntibemererwa.

Mu byiciro byihariye, urubyiruko hatanzwe kandidatire 32, hemerwa 26. Mu bafite ubumuga hatanzwe kandidatire 10 zose ziremerwa, mu bifuza guhagararira abagore mu nteko ishinga amategeko, umutwe w’Abadepite, hemejwe abakandida 179. Muri rusange kandidatire zatanzwe, 60% byazo ni iz’abagore.

Ubwo NEC iheruka gutangaza urutonde rw’ agateganyo abakandida -depite bari bemerewe bari babiri gusa ariko ku rutonde rushya abemerewe ni 4

Ibikorwa byo kwiyamamaza bizatangira ku wa 13 Kanama kugeza ku wa 1 Nzeri 2017. Amatora ateganyijwe ku wa 2 Nzeri 2018 ku Banyarwanda batuye muri Diaspoara naho abari imbere mu gihugu bazazindukira mu matora ku wa 3 Nzeri 2018.