Mu mafoto reba uburanga bw’umukobwa wahize abandi muri Miss Uganda 2018/2019[AMAFOTO]
Uyu mwangavu kazi Quiin Abenakyo w’imyaka 22 y’amavuko ni we wahigitse abakobwa 22 bari bahanganiye iri kamba maze aba Miss Uganda wa 2018/2019. Uyu mukobwa wiga ikoranabuhanga rishyingiye ku bushabitsi (Business Computing) uvuka mu karere ka Mayuge azanahagararira Uganda mu marushanwa mpuzamahanga ya Miss World azabera mu bushinwa mu kwezi k’Ukuboza.
Iki gikorwa cyo gutoranya Miss Uganda 2018/2019 cyabereye kuri Sheraton Hotel iherereye mu mujyi wa Kampala, muri Uganda.
Quiin Abenakyo wegukanye ikamba yahawe imodoka yo mu bwoko bwa Toyota (UBD series). Quinn Abe n’ibisonga bye bibiri, Ahebwa Patience Martha na Trya Margach bazatemberezwa mu Buholandi bagirire umwiherero mu kirwa cya Bulago kiri i Kampala ndetse banakorere imyitozo muri gym ya Sheraton Hotel i Kampala.
Quiin Abenakyo wabaye Miss Uganda 2018/2019 n’ibisonga bye bibiri (Ahebwa Patience Martha na Trya Margach) , kandi bahise babona amahirwe yo kurihirwa amashuri mu ishuri rya Uganda Aviation School, bahabwa akazi ka customer care ku kibuga cy’indege n’ibindi bizagenda bimenyekana mu minsi iri imbere nkuko ibinyamakuru byo muri Uganda bibitangaza.
Nibirori byari byahuriyemo abanyacyubahiro batandukanye, harimo n’uwahoze ari umugore w’umuhanzi Diamond Platnumz wamamaye ku izina rya Zari Hassan The Boss Lady, wari umwe mubagize akanama nkemurampaka.
Zari yanahumurije abandi bakobwa 21 batabashije kwegukana ikamba avuga ko badakwiye gucika intege zo kwitabira irushanwa kuko bashobora kuba ba Miss Uganda mu myaka ikurikira ku bazaba bacyujuje ibisabwa kugira ngo bajye mu irushanwa.
Zari yari umwe mu bagize akanama gashinzwe gutanga amanota
Comments
Pascal 11 August 2018
Ayo mafoto arihe?