Eden Hazard yatangaje amagambo N’golo Kante yamubwiye yamufashije gutsinda Liverpool igitego kidasanzwe
Hazard winjiye mu kibuga asimbuye muri uyu mukino agatsinda igitego cy’akataraboneka,yavuze ko Kante yamuteye imbaraga yinjira mu kibuga afite imbaraga byatumye atsindira Chelsea igitego cya kabiri cyasezereye Liverpool mu mikino ya Carabao Cup.
Yagize ati “Igitego natsinze cyari cyiza kuko cyadufashije gukomeza.Gukinira Anfield ntibiba byoroshye,niyo mpamvu gutsinda biba bishimishije.Naganiriye na N’golo Kante mbere yo kujya mu kibuga ambwira ko yanga penaliti,ko nkwiye gushaka igitego cya kabiri.Nabikoze neza.
Hazard yaraye atsinze igitego yemeje ko kiri muri 5 byiza yatsinze kuva yatangira gukina umupira w’amaguru kuko yagitsinze Liverpool.
Aya makipe yombi azongera gucakirana mu mpera z’iki cyumweru mu mukino wa shampiyona aho yombi azaba ashaka amanota 3.