Print

Cristiano Ronaldo n’umuryango we bifotoje bambaye imyambaro itangaje mu rwego rwo kwizihiza Halloween [AMAFOTO]

Yanditwe na: Dusingizimana Remy 31 October 2018 Yasuwe: 2218

Rutahizamu Cristiano Ronaldo,umukunzi we Georgina Rodriguez n’abana be bane,bifotoje bambaye imyenda iteye ubwoba mu rwego rwo kwizihiza umunsi w’icyikango uzwi nka Halloween.

Uyu munsi benshi mu bakiristo bamaganira kure kubera inkomoka yawo ya gipagani,wizihizwa na benshi mu byamamare ariyo mpamvu na Cristiano Ronaldo atatanzwe yawizihije n’umuryango we.

Nyuma yo kwifotoza aya mafoto,Ronaldo yayasangije abakunzi be ku mbuga nkoranyambaga ndetse arababwira ati “Umunsi mwiza wa Halloween kuri mwese.”

Ronaldo ari mu byishimo bikomeye kuko akomeje gutsinda ibitego muri Serie A aho aheruka guha isomo rya ruhago ikipe ya Empoli muri weekend ishize ayitsinda ibitego 2 wenyine.

Iki Cyumweru Cristiano Ronaldo yaciye agahigo ko kuba umuntu ufite abakunzi benshi ku rubuga rwa Instagram aho yarenze kuri Selena Gomez wari umaze igihe kinini ayoboye.