Rayon Sports y’abakinnyi 10 itsindiye Sunrise I Nyagatare
Mu mukino Bimenyimana Bonfils Caleb yabonyemo ikarita itukura kubera kurwanira mu kibuga,Rayon Sports ibashije kwihagararaho itsinda Sunrise ibitego 2-1 mu mukino wayigoye ku buryo bukomeye.
Rayon Sports yitwaye neza mu gice cya mbere kuko yatsinzemo ibitego bibiri byatsinzwe na Bimenyimana Bonfils Caleb kuri penaliti na Sarpong Micheal ku mupira wari uturutse muri koluneri.
Sunrise yari iyobowe na kapiteni wayo Musa Sova,yagarutse mu gice cya kabiri yariye karungu niko gusatira Rayon Sports karahava byatumye ibona igitego ku munota wa 75 gitsinzwe na Gasongo Jean Pierre ku mupira yateresheje umutwe uturutse kuri coup Franc yatewe neza na Sova.
Rayon Sports yagerageje kwihagararaho ariko mu minota ya nyuma iza gutsindwa igitego cyanzwe n’umusifuzi washinje abakinnyi gukorera ikosa ku munyezamu Bashunga Abouba.
Nyuma yo kwanga iki gitego a bakinnyib’amakipe yombi bahise bashyamirana bituma umusore Bimenyimana Bonfils Caleb ahabwa ikarita itukura kubera kurwanira mu Kibuga.
Rayon Sports ibashije kwiyunga n’abafana bayo,kuko ku mukino w’umunsi wa 2 uheruka,yatsinzwe na Mukura VS ibitego 2-1,kuri stade ya Kigali I Nyamirambo.
Rayon Sports igize amanota 6 mu gihe APR FC na Mukura VS ziyoboye shampiyona n’amanota 9 ku 9 mu mikino 3 imaze gukinwa muri AZAM Rwanda Premier League 2018/2019.
Abakinnyi babanje mu kibuga ku ruhande rwa Rayon Sports
Comments
Karenzi 1 November 2018
Ese iyo Kipe ubuyobozi bw akarere ka Nyagatare buri gutegeka abarimu kuyifasha babasinyisha kungufu ayo babakata kumishara ko n ubundi itsidwa bayiretse abo barimu ko n ubundi agashahara kabo katabahaza !