Print

Umuyobozi w’ ishuri yatemaguye umugore we mu isura

Ahagana saa mbili z’ umugoroba nibwo uyu mugore w’ imyaka 34 y’ amavuko Aidah Nabuufu yashogoranyije n’ umugabo we Juma Mutiri. Mutiri yahise afata umupanga atemagura mu isura y’ umugore we.

Umuvugizi wa Polisi ya Uganda Luke Oweyesigire yabwiye Chimpreports mu gitondo cyo kuri uyu wa Kane ko uyu mugabo yahise aburirwa irengero naho uyu mugore akaba arimo kwitabwaho n’ abaganga.

Oweyesigire yavuze ko polisi ya Uganda yatangiye iperereza kuri iki kirego cy’ umugabo ukekwaho gushaka kwica umugore we.

Imibare itangwa na polisi ku ihohoterwa ryo mu ngo yerekana ko ihohoterwa ryo mu ngo ryiyongereho 4%.

Polisi yatwaye umupanga n’ amashuka biriho amaraso byasanzwe ahabereye icyaha ngo biyifashe mu iperereza.