Manchester City ishobora kwirukanwa muri UEFA Champions League
Manchester City irashinjwa guhisha akayabo k’amamiliyoni y’amapawundi ubwo yaguraga abakinnyi kandi bitemewe n’ishyirahamwe rya ruhago I Burayi UEFA.
Abaherwe ba Manchester City barashinjwa kwica amategeko ya FFP
Ku munsi w’ejo taliki ya 03 Ukuboza 2018 nibwo perezida wa UEFA, Aleksander Ceferin yatangaje ko Manchester City yafatiwe ibihano bikomeye ndetse izabimenyeshwa mu minsi iri imbere bishobora kubamo kwirukanwa muri UEFA Champions League y’uyu mwaka n’iy’ubutaha.
Amakuru atangazwa na bimwe mu binyamakuru by’I Burayi ni uko UEFA yanze guca amafaranga Manchester City kuko itayabuze, ahubwo bifuza kuyiha igihano kiyibabaza kirimo kwirukanwa mu marushanwa yayo akomeye.
Muri 2016 ikipe ya Galatasaray nayo yahagaritswe mu mikino ya UEFA Champions League kubera kwica amategeko agenga isoko ryo kugura no kugurisha abakinnyi bityo na Manchester City ishobora kubihabwa aho ihagaritswe,ikipe yabaye iya 5 muri Premier League ariyo yakwitabira.
Aleksander Ceferin yavuze ko ikibazo cya Manchester City kiri kwigwaho ndetse cyahawe ikipe yigenga ibifitiye ubushobozi.
Mu kwezi gushize inzandiko ziri guca ibintu za Football Leaks zavuze ko Manchester City yahishe ahaturuka 80 ku ijana y’amafaranga y’abaterankunga mu ma kompanyi yigenga.