Umukinnyi w’Umutaliyani yishimiye igitego yambarira ubusa mu bafana [AMAFOTO]
Ku munsi w’ejo nibwo ikipe ya Sampdoria yari yakiriwe na Lazio bigera mu minota ya nyuma yayitsinze 2-1,maze Ricky Saponara atera ishoti rikomeye rigana mu izamu yishyura iki gitego,biramurenga yambara ubusa yerekeza mu bafana.
Uyu mukinnyi yahuye n’uruva gusenya kuko ikabutura ye yamanuwe n’abafana be yari yinjiyemo bituma ikibuno cye kijya hanze bareba ubwambure bwe.
Iki gitego Saponara yagitsinze ku munota wa 9 w’inyongera nyuma y’aho iminota 90 yari yarangiye ari 1-1 hanyuma Ciro Immobile wa Lazio atsinda igitego cyasaga nk’ikibahaye intsinzi ku munota wa 6 w’inyongera,byatumye ku munota wa 9 w’inyongera uyu mukinnyi acyishyura,yishimira iki gitego mu buryo butangaje.
Uyu mukino wabereye kuri stade Stadio Olimpico I Roma,warangiye impande zombi zinganyije ibitego 2-2 ndetse uyu Saponara yashimye bikomeye abakinnyi bagenzi be.
