Jose Mourinho yahaye Liverpool ubutumwa bwashimishije abakunzi ba Manchester United
Mourinho yabwiye Liverpool ko izongera kubahwa ko yatsinze nibasha kongera gutwara ibikombe ndetse ko ku mukino wo ku Cyumweru bafitanye atazigera yugarira ahubwo azayataka kuva ku munota wa mbere kugera ku wa nyuma.
Yagize ati “Turabizi ko tuzakina n’ikipe iyoboye shampiyona niyo mpamvu tugomba gukoresha abakinnyi bafite ubushobozi bwo kuyihagarika.Ndashaka kugerageza gutsinda niyo mpamvu ngomba gutoranya abakinnyi bafite ubushake nk’ubwanjye bwo gutsinda.
Tuzajya Anfield dushaka intsinzi ku buryo bukomeye.Twabonye umusaruro mwiza umwaka ushize imbere ya Liverpool.Twayitsindiye mu rugo,iwabo turanganya.Turifuza guhatanira gutsinda mu mukino wo ku Cyumweru.”
Mourinho yabwiye Klopp ko gukina neza ntacyo bimaze ahubwo icy’ingenzi ari ugutwara ibikombe ariyo mpamvu akwiriye gukora ibishoboka byose agatwara igikombe kuko yatakaje miliyoni 250 z’amapawundi uyu mwaka agura abakinnyi.