Hashyizweho abazayobora igitaramo cyo kwakira Jay Polly witegura gusohoka muri Gereza barimo ShaddyBoo[AMAFOTO]
Umunyamakuru akaba n’umuyobozi w’ibitaramo (MC) Ally Soudy umaze igihe kinini yibera muri Amerika na Shaddy Boo umwe mu banyarwandakazi bakurura abantu benshi kumbuga nkoranyambaga nibo bazayobora igitaramo cyateguriwe kwakira umuraperi Jay Polly.
Ally Soudy ni umwe mu bazayobora iki gitaramo afatanyije na ShaddyBoo
Iki gitaramo kizaba ku itariki ya 1 Mutarama 2019, kizagaragaramo abahanzi Asinah, Bull Dogg, Safi Madiba, Queen Cha, Jay Polly n’aba Djs bakomeye barimo Dj Lenzo ndetse na DJ Phil Peter. ubwe azaba ari muri ibi birori bizabera kuri Platinum Club i Kibagabaga.
Ally Soudy yavuye mu Rwanda tariki ya 6 Ugushyingo 2012, yimukanye n’umugore we Umwiza Carine bafitanye amateka adasanzwe mu rukundo rumaze imyaka 16. Akunze kugaruka mu Rwanda mu bihe bitandukanye.
Byari bimaze igihe bivugwa ko uyu muraperi nafungurwa azahita yakirwa mu nzu ifasha abahanzi ya The Mane usa ntabwo abayobozi bayo baremeza neza aya makuru ahubwo. ni bwo bwahise butegura n’igitaramo cyo guha ikaze uyu muraperi.
Biteganyijwe ko Jay Polly azasohoka muri Gereza tariki 28 Ukuboza 2018
Kwinjira muri iki gitaramo ni amafaranga ibihumbi bitanu (5000 Frw) n’ibihumbi ijana (100,000Frw) ku bantu 8 bazahabwa ameza yabo.
Comments
Mugisha xavier 24 December 2018
twiteguye kwakira neza grand frere JAY POLLY. kandi turashimira abakunzi bose ba jaypolly bazaza mubirori byo kumwakira