Nizeyimana Djuma yongeye gufasha Kiyovu Sports gutsinda Musanze FC
Mu mukino w’umunsi wa 15 wa shampiyona wabereye ku Mumena,Kiyovu Sports yongeye kwereka abakunzi bayo ko iri mu bihe byiza kuko ifashije Musanze FC gusoza nabi igice cya mbere cya AZAM Rwanda Premier League 2018/2019 iyitsinze ibitego 2-1.
Ibitego bya Kiyovu Sports byatsinzwe na Nizeyimana Djuma na Nizeyimana Jean Claude bita Rutsiro mu gihe igitego 1 rukumbi cya Musanze FC cyatsinzwe na Imurora Japhet.
Kiyovu Sports ihise ifata umwanya wa 3 by’agateganyo ku rutonde rwa shampiyona n’amanota 26,iwukuyeho Mukura VS banganya amanota ikayirusha ibitego.
Uko imikino y’umunsi wa 15 wa shampiyona ipanze:
Kuwa Gatandatu tariki 19 Mutarama 2019
AS Muhanga vs Espoir FC (Stade Muhanga)
Marines FC vs Rayon Sports (Umuganda Stadium)
AS Kigali vs Amagaju FC (Stade de Kigali)
Ku Cyumweru tariki 20 Mutarama 2019
Kirehe FC vs Bugesera FC (Nyakarambi)
APR FC vs Police FC (Stade de Kigali)
Etincelles FC vs Sunrise FC (Stade Umuganda)