Ange Kagame yanenze uburyo abakobwa bitabira irushanwa rya Miss Rwanda bahatirwa kubazwa ibibazo mu Cyongereza nacyo ngo gikocamye
Mu butumwa yanyujije kuri Twitter, Ange Kagame, yagize ati "Kuki bategekwa kuvuga Icyongereza mu gihe bigaragarira bose ko batiteguye neza? Kudaha agaciro aba bakobwa iyo batabashije gusubiza ikibazo neza mu rurimi batisanzuyemo mu kuvuga" [Aha yakurikijeho utumenyetso twibaza tukanagaragaza akababaro.]
"Kuvuga Ikinyarwanda byagakwiye kuba bihagije. Amarushanwa ya Miss Universe yo ko aba afite abasemuzi bafasha abahatanye batabasha kuvuga Icyongereza. Twongeyeho ko ibibazo ubwabyo biba binavugitse mu Cyongereza giciriritse."
Yakomeje agira ati "Umukobwa wumva ko yavuga Ikinyarwanda ari kwimwa agaciro kuko atabasha kwisobanura mu rurimi rw’amahanga. Abakemurampaka bagasubiramo inshuro eshatu cyangwa enye ibibazo biteguwe mu Cyongereza gikocamye byongeye mu rurimi batumva ntibibyumvikana".
Comments
30 January 2019
Nta numwe utabona ko izi ndimi twikanira zitubuza gukora neza ibyo twakabaye dukora. Iyo ururimi ruhinduwe igikangisho aho kuba igikoresho ibibazo biba byatangiye.
Kubyuka ugasohora itangazo ko abarimu bose ba primaire na secondaire mu gihugu ngo ubahaye amezi atatu cyangwa ane ngo babe bamenye icyongereza ngo banakigishamo ngo abo binaniye uzahita ubirukana... byerekana iyi myumvire ya gikoloni yatwokamye! Biteye agahinda.
Claude 27 January 2019
Wenda Ange we Niko abyumva,ariko jye ahubwo numva bajya bababaza mu ndimi zose dukoresha hano mu gihugu kuko igihe utabasha nubundi guha ibitekerezo cyawe umuntu mutavuga ururimi rumwe,ntacyo waba utorewe.bazongeremo na French na Swahili
hope 27 January 2019
wavuze ukuri pe!,habamo kudakunda ururimi rwacu.kandi bima amahirwe ababikwiye.uri impfura kabisa
k 27 January 2019
hahahah ibyo ntawe utarabivuze abajije ubwabo babanze bigeicyongereza kuko bibonek ko ari fake mu ndindimi thanks first daughter ibyo uvuze ni ukuri