Arsenal na Chelsea zamenye amakipe zizahura nayo muri 1/14 cya UEFA Europa League
Ikipe ya Arsenal ifite agahigo keza ku makipe yo mu Bufaransa,igomba gucakirana na Rennes mu mukino ubanza uzabera mu Bufaransa kuwa 07 Werurwe 2019 mu gihe bazayakira mu Bwongereza kuwa 14 Werurwe 2019.
Chelsea FC yo izakira ikipe ya Dynamo Kyiv yo muri Ukraine mu mukino ubanza uzabera I Stamford Bridge kuwa 07 Werurwe 2019,hanyuma nyuma y’icyumweru yerekeze mu bukonje bwo muri Ukraine.
Arsenal yasezereye Bate Borisov iyitsinze ibitego 3-1 mu mikino yombi, igiye guhura na Rennes FC yakoze agashya isezerera Real Betis,banganyirije mu rugo ibitego 3-3 hanyuma iyisanga muri Espagne iyihatsindira ibitego 3-1.
Umunyezamu Petr Cech agiye gusubira ku kibuga yazamukiyeho,kuko yakiniye Rennes mu mwaka wa 2002-2004,ayivamo yerekeza muri Chelsea yamuguze miliyoni 7 z’amapawundi.
Chelsea FC yo yasezereye Malmo FF yo muri Sweden muri 1/32 iyitsinze ibitego 5-1 mu mikino yombi,izahura na Dynamo Kyiv yasezereye Olympiacos.
Uko Tombola yose yagenze:
• Arsenal vs Rennes
• Chelsea vs Dynamo Kiev
• Eintracht Frankfurt vs Inter Milan
• Dinamo Zagreb vs Benfica
• Napoli vs Salzburg
• Valencia vs Krasnodar
• Sevilla vs Slavia Prague
• Zenit vs Villarreal
