Atiku Abubakar watsinzwe na Muhammadu Buhari mu matora ya perezida wa Nigeria agiye kwitabaza inkiko
Akanama ka INEC katangaje kuri uyu wa Kabiri taliki ya 27 Gashyantare 2019,ko Muhammadu Buhari ariwe watsinze amatora muri Nigeria kuri
Muhammadu Buhari wari uhagarariye ishyaka rya APC yatowe n’abanya Nigeria basaga 15,191,847 mu gihe Atiku Abubakar wa PDP,wamukurikiye yatowe n’abantu 11,262,978 mu majwi 27,324,583 yabaruwe.
Buhari watorewe bwa mbere kuyobora Nigeria mu matora yo mu mwaka wa 2015,yavuze ko amatora yo kuwa Gatandatu w’icyumweru gishize yaciye mu mucyo mu gihe Atiku we yavuze ko yibwe ndetse agiye kurega INEC ko ari abajura.
Muri Leta 36 zatoye, ishyaka rya Buhari ryabonye intsinzi muri Leta 19 naho irya Abubakar ribona intsinzi muri 17 no mu Murwa Mukuru Abuja.
Ishyaka rya Atiku Abubakar rya PDP ryavuze amajwi INEC yatangaje ari ibinyoma byambaye ubusa ndetse badateze kubyemera.
PDP yavuze ko yibwe ndetse amajwi asaga 1,289,607 yabaye imfabusa ari ay’abayoboke bayo bity hakwiriye gukorwa iperereza.
Buhari wisubije ubutegetsi yashimiwe n’abaperezida batandukanye barimo uwa Senegal n’uwa Ghana.