Anita Pendo yikomye bikomeye umunyamakuru wa Tv10 washyize hanze amashusho ye yafashe mu mashati mugenzi we Phil Peter
Umushyushyarugamba akaba n’Umunyamakuru wa Magic FM Anita Pendo yikomye umunyamakuru wa Tv10 wafashe amashusho agaragaza Anita Pendo arimo gukina na Phil Peter we akavugako Anita yamufashe mu mashati kubw’impamvu zitazwi.
Mu kiganiro yakoze kuri uyu uyu wa Mbere Anita Pendo ntiyahakanye ko atakoze ku ijosi rya Phil Peter ariko yahakanye yivuye inyuma ko atafashe mu mashati Phil Peter kuko ngo byari imikino.
Yagize ati “Tipe nijoro yitonde, namurebaga, afate videwo twazishyizeho twikinira. Urebye videwo irimo amaburage menshi, iya mbere twari duhagaze, Phil Peter agiye gufotora, mpagararanye na Lenzo,kumbe arafata videwo, ibyo biba birarangiye turaseka. Hanyuma turangije, turimo kwikinira ariko na Phil Peter,mufata gutya mu ijosi, ukurikiranye videwo wabonako turimo guseka twese.”
Yongeye agira ati “ Indi Kate arimo kunkurura ukuboko, mukwepa [hhh] ariko ubona ko ari ibintu bya burage. Ariko tipe [Hirwa Redemptus ] yarangije yabigize ibintu bya hatari, ngo nafataga mu ijosi, blah, blah,blah. Umva man, njyewe reka nkubwize ukuri, sibyo. Izindi nkuru wakoze ntacyo zintwaye ariko iriya nayicishijemo ijisho umugani wa Eric Semuhungu.”
Anita kandi hari icyo yibukije mugenzi we, ati “Iriya nayicishijemo ijisho kabisa. Jya ubanza urebe ibintu ugiye gutangaza. I understand [ndabyumva] ubikora kugira ngo may be[ ahari] abantu uzi ngo urimo uraryohereza abafana, ariko sometimes [rimwe na rimwe] hari n’ababa babireba, aho ukuri guherereye.”
Aya mashusho nyuma yo kuyashyira ku nkuta zabo bakoresha kuri Instagram yahise asibwa.