Print

Philippe Coutinho arifuza kugaruka mu Bwongereza mu ikipe isanzwe ari mukeba wa Liverpool

Coutinho umaze umwaka urenga mu ikipe ya FC Barcelona yamuguze akayabo ka miliyoni 142 z’amapawundi imukuye muri Liverpool.

Amakuru yatangajwe n’ikinyamakuru The Mirror,ni uko uyu musore yifuza kugaruka mu Bwongereza aho ashakishwa n’ikipe ya Manchester United.

Coutinho yabwiye abakinnyi b’inshuti ze ko ashaka kuva muri FC Barcelona kubera ko yabuze umwanya wo gukina akigarukira mu Bwongereza yavuye ari umwami.

Mu mezi 14 amaze muri FC Barcelona,yayikiniye imikino 60 atsinda ibitego 18 ariko yabuze umwanya wo kubanza mu kibugakubera Ousmane Dembele.

PSG na Manchester United nizo kipe zifuza gusinyisha Coutinho gusa we yifuza kugaruka mu Bwongereza gukina muri iyi kipe isanzwe ari mukeba wa Liverpool yahozemo ishaka kumutangaho miliyoni 100.