Print

Seka Festival igarukanye imbaraga zidasanzwe aho izanye ibyamamare byo muri Afurika mu gusetsa byabigize umwuga[AMAFOTO]

Yanditwe na: Martin Munezero 14 March 2019 Yasuwe: 502

Icyumweru cyahariwe guseka kizatangira ku itariki ya 24 Werurwe 2019,ku munsi wa mbere hazaba igitaramo cy’urwenya cya Michael,azaba akora ku rwenya rwe rwa yamenyekaniyeho ruzwi nka ’Did You Just Say Sex’ kibere muri Century Cinema,hakazaba hari n’abandi banyarwenya bo mu Rwanda bakizamuka.

Naho ku ku munsi ukurikiyeho tariki ya 25 Werurwe,hakazatangira ibitaramo byo mu modoka bizageza ku itariki ya 29 Werurwe,ibi bikazajya bibera hirya no hino mu mujyi wa Kigali aho kwinjira mu modoka bizaba ari ubuntu.

Mu gusoza iri Serukiramuco hakazaba ibitaramo bibiri binini,hari ikizayoborwa n’umunyarwenya w’umugande Alex Muhangi kizaba ari kuwa gatandatu tariki ya 30 Werurwe,iki gitaramo cyikaba kizaba kirimo abanyarwenya barindwi barimo Alex Muhangi,Teacher Mpamire wo muri Uganda,Jaja Bruce,Akite,Eddie Butita n’abandi.

Abanyarwenya batoranyijwe bose ngo hakaba harakurikijwe ibyifuzo by’abantu bagiye batandukanye,Nk’uko Arthur Nkusi uzwi nka Rutura ari nawe wateguye iyi Seka Festival yabitangarije ikinyamakuru UMURYANGO,yagize ati "Nanditse kuri instagram mbaza abantu amazina adakwiye kuburamo,Salvador na Eric Omondi abantu barabashatse cyane,ikindi kandi nanjye nifuzaga ko umunsi umwe nzatumira Basket Mouth".