Umutoza mushya wa Real Madrid,Zinedine Zidane ari kuganira mu ibanga n’abakinnyi 5 bakina mu makipe akomeye muri Premier League kugira ngo baze mu ikipe ya Real Madrid bamufashe kuyikura mu mazi abira irimo.
Umutoza Zidane arifuza abakinnyi 5 bakina muri Premier League barimo Eden Hazard,N’golo Kante,Christian Eriksen,Raheem Sterling na Paul Pogba kugira ngo baze muri iyi kipe y’ubukombe yongere ikubite amakipe.
Zidane witezweho gukora impinduka zikomeye muri Real Madrid yamaze kugura myugariro Eder Militao wa FC Porto ku kayabo ka miliyoni 45 ndetse uyu musore ashobora gukurikirwa n’aba basore bakina mu Bwongereza muri Kamena uyu mwaka.
Raheem Sterling uheruka kongera amasezerano niwe uri mu mboni za Zidane kurusha abandi,kuko yamubonyemo ubushobozi bwo gusimbura Gareth Bale ugomba gusohoka byanze bikunze.
Real Madrid ishobora gutakaza abakinnyi barimo Isco,Luka Modric na Toni Kroos ariyo mpamvu iri guhiga abakinnyi bo hagati benshi.
Zidane yarahiriye kugura abakinnyi 5 bakomeye muri Premier League