RDC: FARDC yakubise inshuro abarwanyi ba FDLR ibakura mu birindiro byabo biherereye ahitwa Kamatembe
Ingabo za FARDC zavuze ko zakubise inshuro FDLR zibakura mu birindiro bya Kamatembe ndetse zibanyaga inka zabo zari mu rwuri rw’ibi birindiro byabo.
Majoro witwa Guillaume Njike Kaiko usanzwe ari umuvugizi w’igikorwa cyitwa Sokola 2 cyo guhashya inyeshyamba za FDLR muri Kivu y’Amajyaruguru,yemeje ku munsi w’ejo taliki ya 07 Mata 2019, ko batsimbuye FDLR mu birindiro bya Kamatembe.
Mu mezi ashize nibwo ingabo za Congo, FARDC zatangiye kugaba ibitero ku nyeshyamba za FDLR muri Kivu y’amajyaruguru,mu ntambara Général Etumba yise « Opération Sokola 2 ».
Njike Kaiko yatangaje ko nyuma yo gukubita inshuro FDLR zigatsimbuka mu birindiro byazo bya Kamatembe,ngo zataye inka zirenga 100 zari zaribye abaturage barazisubiza.
Major Guillaume Njike Kaiko yavuze ko FARDC yavumbuye ko hari imikoranire iri hagati ya FDLR n’abaturage bamwe bo muri Kivu ya ruguru ariyo mpamvu bigorana kwiruakana aba barwanyi.