Abasirikare basanze mu rugo rwa Omar Al Bashir imifuka yuzuyemo miliyoni 130 z’amadolari
Nyuma yo gutabwa muri yombi kwa Omar al Bashir,inzego zishinzwe umutekano n’iperereza zasuye urugo rwe zihasanga akayabo ka miliyoni 130 z’amadolari ari mu bipfunyika byinshi.
Ubushinjacyaha bwahise bwemeza ko uyu mugabo w’imyaka 75 ari gukurikiranwa ku byaha bitandukanye birimo icyo kwigwizaho imitungo ya Leta binyuranye n’amategeko.
Inzego z’umutekano zagaragaje ko zasanze inoti nyinshi z’ama-euros, amadorari n’amapawundi ya Sudan mu rugo rwa Bwana Bashir yose ateranyije agera kuri miliyoni 130 z’amadorari y’amerika.
Reuters yatangaje ko amakuru ikesha umwe mu bantu bari mu rwego rw’ubutabera muri Sudan avuga ko kwa Bwana Bashir bahasanze amasanduko arimo inoti zingana na $351,000, izingana na miliyoni esheshatu z’ama-euro (€6m) na miliyari eshanu z’amapawundi ya Sudan.
Uyu yemeje ko ubushinjacyaha bushobora gutangira ’guhata ibibazo Bwana Bashir aho afungiye muri gereza ya Kobar’.
Omar al-Bashir wari umaze imyaka 30 ku butegetsi bwa Sudani, yahiritswe tariki 11 Mata uyu mwakakubera igitutu cy’imyigaragambyo y’abaturage yatangiye mu Ukuboza,umwaka ushize.