Kabuhariwe Yaya Toure yasezeye ku mupira w’amaguru
Yaya Toure wari umaze iminsi yarabuze ikipe nyuma yo gutandukana na Olympiakos mu mu Ukuboza 2018,yamaze gutangaza ko asezeye ku mupira w’amaguru,ku myaka 35 y’amavuko afite.
Dmitry Selyuk washakiraga amakipe Yaya Toure niwe watangaje ko yamaze gusezera kuri ruhago ndetse ngo ari kwiga ibijyanye n’ubutoza ku buryo mu minsi mike aratangira gushaka akazi mu bihugu birimo Uburusiya na Ukraine.
Selyuk yagize ati “Ndashaka gutangaza ku nshuro ya mbere ko Yaya Toure yafashe umwanzuro wo gusezera ku mupira w’amaguru nk’umutsinzi.Umukino wo gusezera muri Manchester City,nibwo buryo bwiza bwo gusezera kuko yari yatwaye igikombe.
Yaya Toure wamamaye muri FC Barcelona ndetse akayubakamo amateka akomeye,yayavuyemo yerekeza muri Manchester City yerekaniyemo ko ari indashyikirwa,ayifasha kwegukana Premier League yari yarabuze.
Yaya Touré niwe mukinnyi wakoze amateka muri Premier League yo gutsinda penaliti zose 11 yateye muri iyi shampiyona.
Amakipe Yaya Toure yakiniye: Beveren (2001-03), Metalurh Donetsk (2003-05), Olympiacos (2005-06), Monaco (2006-07), Barcelona (2007-10), Manchester City (2010-18), Olympiakos (2018).
Aya makipe yose hamwe yayakiniye imikino 599 atsinda ibitego 100.
Ibikombe yatwaye: Premier League inshuro 3, FA Cup imwe, League Cup yayitwaye kabiri, La Liga ebyiri, Copa del Rey, Champions League, Club World Cup, Greek Super League, Greek Cup, Africa Cup of Nations.
Yaya Toure yakiniye Ivory Coast 101 ayibera kapiteni ndetse ayifasha gutwara igikombe cya CAN 2015.
Kabuhariwe Yaya Toure wahesheje CAN igihugu cye yasezeye ku mupira