Print

Umukunzi wa myugariro Achraf Hakimi ukinira Real Madrid yatumye benshi bacika ururondogoro kubera amafoto yashyize hanze [AMAFOTO]

Uyu mukobwa urusha Achraf imyaka 12 y’amavuko asanzwe ari umukinnyi wa Filimi ukomeye aho azwi muri filimi ica kuri Spanish TV yitwa El Principe.

Hiba Abouk wavukiye I Madrid ku babyeyi bo muri Tunisia,afatwa nk’umwe mu bakobwa beza bakina sinema muri Espagne.

Hiba aherutse kwita Achraf Hakimi umugabo w’ubuzima bwe ndetse yavuze ko yifuza ko bakora ubukwe bakarushinga nyuma yo gusohokana nawe mu mpera z’uyu mwaka.

Hiba amaze iminsi ashyira kuri Instagram ye amafoto agaragaza uburanga bwe arimo nayo yifotoje yambaye ubusa yatumye benshi bavuga amagambo menshi.

Achraf Hakimi wazamukiye mu ishuli rya Real Madrid,amaze umwaka wose yaratijwe mu ikipe ya Borussia Dortmund aho yitwaye neza cyane.