Print

Tanasha yavuze ibigwi Diamond anakomoza k’ukuntu afite umugabo buri mukobwa arota mu nzozi

Yanditwe na: Martin Munezero 28 May 2019 Yasuwe: 3199

Tanasha Donna kuri ubu uri mu rukundo rw’akadasohoka na Diamond Platnumz ni umwe mu bakobwa kuri ubu babanye neza n’uyu muhanzi w’icyamamare muri Afurika y’Iburasirazuba.

Uyu mukobwa ubusanzwe ntazwiho gushimagiza umugabo we. Kuri iyi nshuro ntiyatanzwe ubwo yajyaga ku mbuga nkoranyambaga akavuga ko abagore bose barota Diamond nta kabuza.

Yagize ati “ Rukundo rw’ubuzima bwanjye. Umugabo wiyubashye buri mukobwa arota. Sinjye uzarota umunsi ugeze.”

Uyu mukobwa usanzwe ari umunyamakuru yatangarije abamukurikira ko Diamond yamufashije mu bijyanye n’umuziki aho kuri ubu anafite indirimbo nshya hanze yitwa Radio yahuriyemo n’umuhanzi Barak Jacuzzi.