Lionel Messi yabwiye ubuyobozi bwa FC Barcelona umukinnyi yifuza ko bagura utari Griezmann
Ibinyamakuru byo muri Espagne byavuze ko Lionel Messi atifuza kubona Griezmann muri FC Barcelona ahubwo ashaka ko hakorwa ibishoboka byose kugira ngo Neymar Jr agaruke I Camp Noun go niwe abona wabafasha gutwara igikombe cya UEFA Champions League.
Messi yababajwe bikomeye no gusezererwa na Liverpool muri ½ cya Champions League iherutse gutwarwa na Liverpool ariyo mpamvu yifuza ko FC Barcelona yahereza PSG Ousmane Dembele na Coutinho kugira ngo nayo ibahe Neymar Jr.
Neymar Jr wibasiwe n’imvune mu mwaka w’imikino ushize,arifuza gusohoka mu ikipe ya PSG kubera ko itamufasha kwegukana Ballon d’Or yifuza,akagaruka muri Espagne mu ikipe imwe hagati ya FC Barcelona yahozemo cyangwa Real Madrid.
Ikinyamakuru RMC Sport cyavuze ko mu cyumweru gishize ubuyobozi bwa FC Barcelona bwegereye PSG ngo bavugane babe bagarura uyu munya Brazil.
Bivugwa ko FC Barcelona ariyo yatesheje umutwe Griezmann bigatuma yitwara nabi muri shampiyona ishize,kuko mu Ugushyingo umwaka ushize,bamubwiye ko bifuza kumusinyisha akina yigumura kugira ngo bamurekure.
Messi yasabye ubuyobozi bwa FC Barcelona kugarura Neymar Jr