Ishyaka rya Agathon Rwasa ryabwiwe ko rishobora gufatirwa ibihano na Leta y’Uburundi
Umuvugizi wa Minisiteri ishinzwe umutekano, Tharcise Niyongabo ,yatangaje ko Leta ishobora kuzafatira ibihano iri shyaka rya CNL kubera ko ryatangiye guteza akaduruvayo mu gihugu.
Niyomugabo Tharcisse yabivuze ashingiye ku barwanashyaka icyenda b’uyu mutwe bafunzwe bakekwaho kuba aribo batwitse ku bushake icyicaro cyabo kugira ngo byitirirwe CNDD FDD iri ku butegetsi.
Imwe mu miryango ifite abantu bafunzwe bavuga ko bahohotewe. Basobanura ko batigeze bahabwa amahirwe yo kunganirwa n’abanyamategeko kandi ngo bamwe muribo bafashwe bari mu nzira berekeje mu misa.
Ishirahamwe ryita ku burenganzira bwa muntu, Human Rights Watch,riherutse gusohora inyandiko ivuga ko abarwanashyaka ba CNL bahohoterwa cyane na Leta,risaba akanama ka UN gashinzwe amahoro n’umutekano kwita ku biri kubera mu Burundi no gufatira ibihano abategetsi bamwe bamwe.
Inkuru ya VOA