Rutahizamu w’ikipe ya Bayern Munich Robben yahagaritse ibyo gukina umupira w’amaguru
Mu myaka 19 ishize ni bwo Arjen Robben yatangiye gukina umupira w’amaguru nk’uwabigize umwuga atangiriye mu ikipe ya FC Groningen, yakiniye amakipe atandukanye yo ku mugabane w’uburayi nka Chelsea, Real Madrid na PSV.
Robben ukina nka rutahizamu wo mu mpande, ikipe yose yakinnyemo yayifashije gutwara igikombe, yatarwanye na Chelsea igikombe cya shampiyona mu 2005 na 2006, atwarana na Bayern Munich ibikombe 8 bya shampiyona ndetse mu 2013 ayifasha gutwara Champions League.
Mu 2004 nibwo Robben yagiye muri Chelsea avuye muri Groningen, yakiniye Chelsea imikino 105 atsinda ibitego 19. Yatwaye FA Cup mu 2007 n’ibikombe bibiri bya League Cup.
Robben yagiye muri Real Madrid mu 2007, yayifashije gutwara igikombe cya shampiyona muri uwo mwaka w’imikino, ntabwo yatinze muri Espagne kuko yahise ajya gukinira Bayern Munich mu 2009.