Print

Umukobwa umwe rukumbi w’umunyarwenya mu Rwanda ukomeje guca ibintu ku mbuga nkoranyambaga yahishuye zimwe mu mbogamizi ahura nazo[AMAFOTO+VIDEO]

ISHIMWE MUNYANA Divine ni izina riri kugenda ryumvikana cyane mu ruganda rw’imyidagaduro, akaba ari umwe mu batinyutse gukora aka kazi katoroshye k’urwenya, akaba azwi nka Mabuja ku dushusho duto dusekeje agenda asangiza abamukurikira ku rubuga rwa Instagram.

Munyana Divine ni umukobwa winjiye muri uyu mwuga wo gusetsa mu mwaka wa 2018 aho yazanywe na Artur Nkusi umunyarwenya umaze kubaka izina mu gusetsa mu Rwanda. Uyu mukobwa kuri ubu umaze gusoza amashuri ye ya kaminuza twaganiriye nawe adusangiza imbogamizi ahura nazo,ibyiza biri muri kano kazi, ndetse n’inama agira urubyiruko n’ababyeyi babo muri rusange.