Romelu Lukaku yatangaje umukinnyi bakinanaga muri Manchester United yifuza ko yamusanga muri Inter Milan
Uyu mubiligi yabwiye Sanchez ko umujyi wa Manchester ari mubi,akwiriye kwigira mu mujyi mwiza wa Milan bagakomeza gukinana.
Ikinyamakuru Daily Mail cyavuze ko buri munsi Lukaku yoherereza ubutumwa Sanchez amusaba ko yava muri United akerekeza muri Inter kuko yamufasha kongera kuzamura urwego rwe.
Amakuru aravuga ko Sanchez yamaze kumvikana na Inter ndetse yemerewe nimero 7 yasabye kugira ngo abasinyire.
Manchester United igomba kuzajya yishyura Sanchez ibihumbi 250 by’amapawundi ku cyumweru igihe cyose izaba yemeye gutiza uyu munya Chile muri Inter Milan imwifuza.
Amakuru aravuga ko uyu musore wakiniye Arsenal, Udinese na Barcelona aragera mu mujyi wa Milan muri iki cyumweru agakora ikizamini cy’ubuzima.
Lukaku na Sanchez ni inshuti cyane ndetse umutoza mushya wa Inter Milan,Antonio Conte yavuze ko ashaka kuzabubakiraho ikipe.
Lukaku amaze iminsi asaba Sanchez kumusanga i Milan
Comments
musangwa eric 22 August 2019
sanchez niyigendere nubundi byaribyaranze muri man united