Print

Donald Trump yatangiye gukorwaho iperereza rishobora gushyira akadomo ku butegetsi bwe

Yanditwe na: Dusingizimana Remy 25 September 2019 Yasuwe: 1912

Perezida w’Inteko Ishinga Amategeko,Madamu Nancy Pelosi, yavuze ko "umukuru w’igihugu agomba kwiregura kuri ibi byaha ashinjwa.".

Perezida Trump yahakanye ibi birego avuga koi bi ari ukugerageza kwangiza izina rye.

Trump arashinjwa ko mu kiganiro yagiranye na Perezida wa Ukraine, Volodymyr Zelensky, yamuteye ubwoba ko azamuhagarikira imfashanyo ya gisirikare naramuka adakoze iperereza ku wo bahanganye Joe Biden, n’umuhungu we Hunter ku bivugwa ko bariye ruswa.

Trump yemera ko yavuganye na Perezida Volodymyr Zelensky ku byerekeye Joe Biden, ariko akavuga ko yamubwiye ko ashobora guhagarika imfashanyo ya gisirikare kugira yereke ibihugu by’i Burayi ko bigomba gutanga imfashanyo yabyo.

Iri perereza nubwo rishyigikiwe n’abademokarate,ngo rishobora gukomwa mu nkokora na sena ya USA yuzuyemo abakomoka mu ishyaka rimwe na Trump ry’aba republicains.

Pelosi yavuze ko Donald Trump "yishe amategeko", kuko ibyo yakoze "yanyuranyije n’ibyo itegekonshinga rimwemerera.

Mu gihe iri perereza ryakomeza, inteko ishinga amategeko ya USA ishobora gutora ibyemezo bishobora gutuma Trump yeguzwa.Trump yakweguzwa ari uko 2/3 bya Sena bitoye Yego.


Comments

Samuel MHA ZHONG ZHEN 25 September 2019

Ese Ko Ngewe Numvako Donald Trump Ashinzwa Kurivyo Birego Jewe Ndumva Ibice 2/3 Arivyo Vyavyemeje Ntarindi Yakweguzwa