Bobi Wine yavuze uburyo Perezida Museveni ari umunyagitugu ndetse ko afitiye ubwoba n’ibitekerezo bahagarariyeho
Wine - izina rye ry’ukuri rikaba ari Robert Kyagulanyi - yamaze kuvuga ko aziyamamaza mu matora ya perezida yo mu mwaka wa 2021 agahatana na Yoweri Museveni, umaze imyaka 33 ku butegetsi .
Kuva yakwinjira muri politike mu myaka ibiri ishize, Bobi Wine akomeje kugira abayoboke benshi.
Depite Kyagulanyi w’imyaka 38 y’amavuko avuga ko avugira abakene, ndetse akaririmba ku butabera na demokarasi.
Yambaye ingofero ye y’ibara ry’umutuku y’ikirango cy’umutwe we wa People Power, Wine yise Perezida Museveni umunyagitugu.
Yagize ati: "Abanyagitugu nta wubaguyaguya ngo bave ku butegetsi. Abanyagitugu bigomekwaho".
Yongeyeho ati: "Perezida Museveni afitiye ubwoba ibitekerezo duhagarariye".
Avuga ku kuba polisi itamwemereye gukora igitaramo, Bobi Wine yavuze ko abakora ubucuruzi buciriritse baba bacuruza ibintu bitandukanye ku bitabiriye igitaramo, nabo bibagiraho ingaruka.
Yavuze ko ibitaramo bye bibarirwa muri za mirongo bimaze kuburizwano na polisi guhera mu mwaka wa 2017.