Print

Cristiano Ronaldo yarakajwe cyane n’ubugome yakorewe na Aaron Ramsey waje kumusaba imbabazi

Yanditwe na: Dusingizimana Remy 7 November 2019 Yasuwe: 5798

Ku munota wa 4 nibwo wa 4 w’umukino,nibwo Cristiano Ronaldo yateye coup Franc,umunyezamu wa Locomotiv Moscow, Guilherme, arawufata uramucika,ugiye kurenga umurongo habura gato,Aaron Ramsey ahita wukoraho kugira ngo yandikweho igitego ibintu byababaje Cristiano Ronaldo cyane.

Ramsey yiyibagije ko Cristiano Ronaldo akunda ibitego cyane,amwambura igitego yari yiboneye birangira uyu rutahizamu uri mu ba mbere ku isi ashwanye n’umutoza Maurizio Sarri ubwo yamusimbuzaga.

Nyuma y’umukino Ramsey yabwiye abanyamakuru ati “Natekereje ko umunyezamu anyegereye cyane ndetse ashobora kuwukuramo.Natekereje guhita ngusongamo kugira ngo urenge umurongo.Nsabye imbabazi Cristiano Ronaldo.”

Cristiano Ronaldo yarakajwe no kuba atatsinze muri uyu mukino bituma ku munota wa 84 abwira nabi umutoza we Maurizio Sarri wamusimbuje Paulo Dybala.

Umutoza Maurizio Sarri yabwiye abanyamakuru ko Ronaldo atababajwe nuko yasimbujwe ahubwo ngo yari afite agahinda kenshi kuko yitwaye nabi muri uyu mukino.



Ramsey yibye Ronaldo igitego yari yitsindiye