Arsenal yabonye umutoza mushya usimbura Unai Emery
Mikel Arteta udafite ubunararibonye na buke mu mwuga w’ubutoza,niwe wahawe inshingano zo kuzahura ikipe ya Arsenal yamaze kujya mu rwego rw’amakipe aciriritse nyuma yo kugenda kwa Arsene Wenger.
Arsenal imaze gutsinda inshuro 1 mu mikino 10 ya Premier League iheruka,yamaze guha akazi Mikel Arteta wayikiniye kugira ngo ayifashe mu gihe k’imyaka 3 n’igice aho izajya imuhemba miliyoni 5 z’amapawundi ku mwaka.
Arteta w’imyaka 37 wari umaze igihe yungirije Pep Guardiola,arasezera ku bafana uyu munsi,ubwo Manchester City iraba iri guhatana na Oxford United muri Carabao Cup.
Arteta yamaze imyaka 5 akinira Arsenal ahita yinjira mu butoza mu mwaka wa 2016 nyuma yo gusezera ku mupira w’amaguru.Yabaye kapiteni wa Arsenal mu minsi ye ya nyuma ari umukinnyi.
Arteta yaguzwe na Arsene Wenger muri Kanam 2011 amukuye mu ikipe ya Everton ndetse ni nayo ya mbere azaheraho atoza namara gutangazwa ku mugaragaro mu ijoro ryo kuri uyu wa Gatatu.
Mikel Arteta niwe mutoza mushya wa Arsenal