Lionel Messi niwe uyoboye urutonde rw’abakinnyi bakina umupira w’amaguru binjije amafaranga menshi muri uyu mwaka[URUTONDE]
Forbes yatangaje ko Messi uherutse gukora amateka akarusha abakinnyi bose umubare wa Ballon D’Or ubwo yegukanaga iya 6 ndetse akaba n’umukinnyi mwiza wa FIFA mu 2019, yinjije miliyoni 127 $, ni ukuvuga arenga Miliyari 120 mu mafaranga y’u Rwanda.
Forbes kandi yatangaje ko mu bushakashatsi yakoze guhera muri 1990 yasanze umukinnyi Tiger Woods ariwe wamaze igihe kirekire agaruka kenshi ari uwa mbere mu bakinnyi bakina imikino yose.
Yabaye uwa mbere inshuro 12 guhera muri 1990.
Gushyira abakinnyi mu myanya bitewe n’imikino bakina, byakozwe ku bakinnyi bo mu mikino 100 kandi hasuzumwa abakinnyi bakomoka mu bihugu 25.
Floyd Mayweather niwe wabaye umukinnyi wa mbere wahembwe menshi, akaba asanzwe akora iteramakofe.
Uko abakinnyi batanu ba mbere binjije muri 2019.
1.Lionel Messi (akomoka muri Argentine), yinjije miliyoni 127$
2.Christiano Ronaldo( akomoka muri Portugal) yinjije miliyoni 109$,
3.Neymar( akomoka muri Brazil) yinjije miliyoni 105 $,
4.Canelo Alvarez (akomoka muri Mexique) yinjije miliyoni 94$,
5.Roger Federer( akomoka mu Busuwisi) yinjije miliyoni 93 $.