Bobi Wine n’abafana be bafunzwe bari mu rugendo rwo gutegura amatora ya 2021 [AMAFOTO]
Bobi Wine wavuze ko aziyamamariza kuyobora Uganda mu mwaka wa 2021,yazindutse ajya gusura abakunzi be muri Gayaza kugira ngo arebe ko bamushyigikiye kuri gahunda yo kwiyamamariza kuyobora Uganda muri 2021.
Bakigera ahitwa Kasangati,Bobi Wine n’abamabari be basanganiwe na polisi ibatera ibyuka biryana mu maso,abandi batabwa muri yombi nkuko bitangazwa n’ibinyamakuru byo muri Uganda.
Amakuru yatanzwe n’ushinzwe gutanga amakuru ya Bobi Wine,nuko uyu muhanzi,abayobozi bo mu ishyaka rye People Power n’abarwanashyaka baryo bafungiwe kuri Kasangati Police Station.
Biravugwa ko Bobi Wine yari yabanje gusaba uburenganzira Leta kuri iki gikorwa cyo gutangira gukusanya amakuru no kwegera abafana be mu rwego rwo gutegura amatora ya 2021 [consultative meeting for the 2021 Presidential election] ariko muri iki gitondo yatunguwe no gusanga Polisi n’abasirikare bakereye kumukoma mu nkokora.
