Umunyezamu wa Rayon Sports Kimenyi Yves yatowe nk’umunyezamu mwiza ukunzwe n’abafana muri Afurika y’Iburasirazuba
Aya marushanwa yateguwe na Televiziyo yo muri Tanzania ikorera kuri interineti yitwa Africa Sports Today, iha umwanya abakunzi b’umupira w’amaguru kugira ngo abe ari bo batora.
Ku rutonde rw’abagombaga gahatana rwariho abazamu 14, batorwamo 4 ari bo Kimenyi Yves (Rayon Sports), Aishi Manula (SC Simba), Nahiamana Jonathan (KMC) na Patrick Matassi St. George) bagombaga kuvamo umwe utsinda
Hifashishijwe imbuga nkoranyambaga mu gutora, mu gitondo cyo kuri uyu wa Gatanu African Sports Today yatangaje ko Kimenyi Yves ari we munyezamu ukunzwe n’abafana mu karere ka Afurika y’Iburasirazuba hagendewe ku majwi y’abakunzi b’umupira w’amaguru batoye.
Kimenyi Yves usanzwe ari umunyezamu w’ikipe y’igihugu Amavubi, yinjiye muri Rayon Sports muri Nyakanga 2019 nyuma yo gusezererwa na APR FC.
Uyu munyezamu umaze kurindira amakipe akomeye mu Rwanda, akomeje kwigaragaza mu mukino w’Umupira w’amaguru by’umwihariko akaba yarigaragaje cyane ubwo yakiniraga ikipe y’ingabo z’u Rwanda ya APR FC.
Comments
Amaherezo 1 February 2020
Felicitation kuri Kimenyi Yves.
Bwiza 1 February 2020
Congratulation to Yves.
Mahoro 31 January 2020
abarayons baguhundagajeho amajwi ntaho utaba uwambere,bapfa kuba bakwiyumvamo gusa.
Mahoro 31 January 2020
abarayons baguhundagajeho amajwi ntaho utaba uwambere,bapfa kuba bakwiyumvamo gusa.