Donald Trump yahishuriye mugenzi we Perezida w’Ubushinwa igihe icyorezo cya Coronavirus kizacikira ku isi
Donald Trump ibi yabivuze ubwo yaganiraga na mugenzi we w’Ubushnwa, avuga ko yizeye neza ko ikirere kimeze neza kizagira uruhare mu guhagarika abantu bahitanwa n’iki cyorezo.
Ibi Perezida Trump yabitangaje kuwa Mbere tariki ya 10 Gashyanatre 2020,avuga ko iki cyorezo kimaze guhitana abagera ku 1000, kizacika burundu muri Mata 2020, bitewe n’ubushyuhe bw’ikirerer.
Yagize ati: Iki cyorozo, ndahamya neza ko kitazarenza muri Mata kikigaragara,yongeyeho ko ubushyuhe ari kimwe mu bizagira uruhare rwo kukirandura burundu”.
Ku itariki ya 10 Gashyantere 2020, iki cyorezo nibwo cyahitanye umubare munini ku Isi, aho cyishe abarenga 100 kumunsi umwe, mu gihe tariki ya 9 Gashyantere 2020, nabwo cyari cyahitanye abarenga 70.
Kugeza magingo aya, iki cyorezo ntikiragera ku mugabane wa Afurika. Ibihugu bya Afurika byafashe ingamba zo kwirinda no kwitegura guhangana na cyo mu gihe cyaba kihageze.
Mu biganiro by’inama rusange y’Umuryango w’Ubumwe bwa Afurika yaberaga Addis Ababa yashyizweho akadomo ku munsi w’ejohaganiriwe kuri iyi virus n’uko Afurika yiteguye.
Umubare w’abantu iyi ndwara imaze kwica mu Bushinwa ubu urenga 1000 . Mu Bushinwa, abantu 40,171 banduye iyi virus mu gihe abandi 187,518 bari gukurikiranirwa hafi n’abaganga.
Ishami ry’umuryango w’abibumbye ryita ku buzima (OMS/WHO) ryohereje itsinda ry’inzobere i Beijing gufasha gukora ubushakashatsi kuri iyi virus.
Imibare ya leta y’Ubushinwa ivuga ko abantu 3,218 bari barwaye iyi ndwara bayikize ndetse basezerewe mu bitaro bagataha.
Abaturage bo mu Bushinwa batangiye kongera gukora ibikorwa bitandukanye, gusa haracyari ibikorwa bikomeye byo kwirinda iyi virus birimo kugabanya amasaha y’akazi no guhitamo ahantu hamwe na hamwe imirimo iba itangiye.