Coronavirus yatumye Cristiano Ronaldo akora igikorwa cyakoze benshi ku mutima [AMAFOTO]
Kubera icyorezo cya Coronavirus kiri guca ibintu mu Butaliyani,amakipe amwe ari gukina nta bafana ariyo mpamvu Ronaldo yasuhuje abafana badahari ubwo yari aje ku kibuga.
Ubusanzwe ku mikino Juventus yakiriye,abafana baba buzuye aho Bisi ihagarara kugira ngo basuhuze abakinnyi babo gusa kuri iki cyumweru bari bakumiriwe kubera iki cyorezo kibi cyane.
Ronaldo yavuye muri Bisi asuhuza abafana nk’ibisanzwe gusa kuri iyi nshuro nta bari bahari yasuhuje ubusa birangira nawe yisetse.
Juventus yaraye itsinze Inter ibitego 2-0 bya Ramsey na Dybala winjiye asimbura gusa ku kibuga nta mufana n’umwe wari uhari uretse ushinzwe umutekano wagaragaye yicaye muri stade.
Cristiano Ronaldo yabihiwe n’ibirori byo gukina umukino wa 1000 nk’umukinnyi wa ruhago kuko nta bafana babonetse ngo yishimane nabo.
Ubutaliyani bwategetse ko imikino yose ikinwa nta bafana bari mu masitade kugeza kuwa 03 Mata 2020.
